शुक्रवार काठमाडौं भएको प्रचण्ड–माधवकुमार नेपाल समूहको नेकपाले आयोजना गरेको शक्ति प्रदर्शन र आन्दोलनमा अप्रिय घटनाहरु नहुन दिनको लागि उपत्यकामा १४ हजार प्रहरी परिचालन गरेको प्रहरीले जनाएको छ ।

महानगरीय प्रहरी परिसर काठमाडौं, परिसर ललितपुर र परिसर भक्तपुरमा भएका प्रहरीका अलवा प्रहरी प्रधान कार्यलय र महानगरीय प्रहरी कार्यालय रानीपोखरीबाट पनि थप प्रहरी परिचालन भएका छन् ।

उपत्यकाको सुरक्षालाई मध्यनजर गरेर सामान्य अवस्थामा भन्दा दोब्बर प्रहरी परिचालन गरेको महानगरीय प्रहरी कार्यलय रानीपोखरी आयुक्त एआइजी हरिबहादुर पालले बताए । 

‘हामीले आजको आन्दोलनमा अप्रिय घटना नहोस भन्नको लागि समान्य अवस्थामा भन्दो धेरै प्रहरी परिचालन गरेका छौं,’ एआईजी पालले लोकान्तरसँग भने,‘ त्यसमा सादा पोसाकमा प्रहरी पनि परिचालन भएका छन् ।’

आन्दोलनमा प्रतिबन्धित नेत्रविक्रम चन्द ‘विप्लव’ समूहले गराउन सक्ने घटनालाई मध्य नजर गरेर उपत्यकामा सादा पोसाकका प्रहरी परिचालन भएको प्रहरीले जनाएको छ । 

उपत्यकाको ट्राफिक व्यवस्थापनको  गर्नको लागि उपत्यकामा भएका १४ सय ट्राफिक प्रहरीहरु परिचालन भएको ट्राफिक महाशाखाले जनाएको छ ।