शहीद स्मारक ’बी’ डिभिजन लिग फुटबलअन्तर्गत आज भएको खेलमा सातदोबाटो युथ क्लबले सहज जित निकालेको छ ।     

ललितपुरको सातदोबाटोस्थित एन्फा कम्प्लेक्सको मैदानमा भएको खेलमा सातदोबाटोले बाँसबारी क्लबलाई ४–१ गोलअन्तरले पराजित गरेको हो । सातदोबाटोका लागि अशिम राई, प्रवेश बस्नेत र दिनेश राईले एक एक गोल गरे । बाँसबारीले एउटा आत्मघाती गोल गरेको हो । बाँसबारीका लागि भने निशान सुनारले सान्त्वना गोल गरे ।