मंसिर ३०, २०८०
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
असार ७, २०७८
शुक्रवार दिउँसो मेलम्ची नगरपालिका–११ बसपार्कनजिकै रहेको निलो घर हेर्दै कहिले यता, कहिले उता गर्दै थिए, सोनामबहादुर तामाङ ।
कुनै बेला खिस्स हाँस्दै साथीभाइसँग कुराकानी गरेर मन बुझाइ रहेका थिए, त कहिले मलिन अनुहार लिएर घरनजिकै पुग्थे ।
तल हेर्दा उही धमिलो बाढी आफ्नै रफ्तारमा बगिरहेको थियो । के गर्ने, के नगर्ने उनले केही सोच्नै नसकेको भान हुन्थ्यो । अर्धबेहोशी जस्तै थिए ।
बाँच्नलाई खानाको भाग त बस्थे तर घाँटीबाट तल जाँदैनथ्यो । जाओस् पनि कसरी, जिन्दगी भरको कमाई एक लप्को बाढीले उडाइदिएको थियो ।
‘बिहान खान बसेँ बाँच्न त पर्यो भनेर, तर घाँटीबाट तल गए पो ! सम्झिएर झस्काउँछ सर,’ सोनामले लोकान्तरसँग भने, ‘बिहान पानी नभएर १० वटा मिनलर वाटर किनेर साथीको ग्यास मागेर भएका थियौं ।’
बाढी आएको ३ दिनसम्म त खल्तीमा भएको पैसाले खाना खाए तर अब कसरी खाने उनीसँग कुनै उपाए छैन् ।
‘बिहानसम्म त ५ सय थियो, अब त यी खल्ती रित्तै छ,’ गोजी देखाउँदै उनले भने, ‘माथितिर राहत आएको छरे कता हो कुन्नि, हामीलाई देख्दैनन् ।’
४२ वर्ष अगाडि श्रीमतीलाई ससुरालीले दिएको गहना बेचेर घरनजिकै ग्रिल उद्योग खोलेका थिए । त्यो उद्योगको त अहिले नामोनिशान छैन ।
‘त्यो बेलामा श्रीमतीको सुनको गहना बेचेर ग्रिल पसल खोलेँ । घर बनाउन ४२ वर्ष लाग्यो, अहिले त्यै घर ५ मिनेटमा सखाप बनायो बाढीले,’ सोनामले दुखेसो पोख्दै भने, ‘सम्झिँदा पनि पागलै हुन्छु जस्तो छ, छोरा मान्छे हो सहनै पर्ने ।’
उनले ग्रिल उद्योगमा २० जनालाई रोजगारी दिएका थिए । २० परिवारको पेट पालेका थिए, तर अहिले आफैँ आफ्नो पेट कसरी पाल्ने भन्ने चिन्तामा छन् ।
ग्रिल उद्योगमा ५ वटा मेसिन थिए । २ वटा गाडी थिए । २ वटा मेसिन र एउटा त बचाउन सफल भए, तर अरू सबै बाढीले बगायो ।
‘उद्योगमा २ करोडभन्दा धेरै लगानी पुर्याएको थिएँ, साढे १ करोड हालेर घर बनाएको थिएँ । सबै खोलाले बगायो अब त आफूले लगाएको कट्टु र गञ्जी मात्रै बाँकी रह्यो,’ सोनामले आफ्नो शरीरको कपडा देखाउँदै भने, ‘अब आफ्नै पेट पाल्न समस्या छ ।’
बाढी आउँदाको बेलुका घरमा खाना खाँदै थिए । हेलम्बुमा पहिरो गएको भन्ने सूचना पाए । खाना खाएर बाहिर निस्किएर २ मात्र मशिन सुरक्षित ठाउँ सार्दा बाढी आइहाल्यो । आँखै अगाडि बाढी पस्यो । सबै बगाएर लग्यो ।
अहिले उनीहरूको परिवार मेलम्चीभन्दा केही पर वैशाखदेखिको भाडा तिर्ने गरी कोठा खोजिरहेका छन् । तर सबै बगाएको मान्छेलाई कोठा दिन्छन् कि दिँदैनन् भन्ने चिन्ता रहेको सोनामले लोकान्तरलाई बताए ।
‘छोराछोरी त राख्न पर्यो, के गर्नु, कोठा पनि देलान् कि नदेलान् ?,’ सोनामले भने ।
सोनामका साथी दीपेश गहतराज पनि उनीसँगै थिए ।
सटरअगाडि पुर्पुरोमा हात लगाएर सटर हेरिरहेका थिए । बाढीले तल्लो तलामा रहेको उनको सुन पसल पुरै बगाएर लगेको थियो ।
खाना खान गएको समयमा बाढी आएको सूचना पाएसँगै पसलमा दौडिएर आए । केही सुन बचाउन त सके तर २०/२५ तोला सुन भने बाढीले बगाएर लग्यो ।
सोनामसँगै व्यापार थालेका दीपेशले साहुको ऋणमा तीज र विवाहको समय भएकाले सुनका थपेका थिए, बाढीले बगाइदियो ।
‘विवाहको समय छ, तीज आउन थाल्यो भनेर सुन हालेको थिएँ । २५ तोला जति त बगाएर लग्यो,’ दीपेशले लोकान्तरसँग भने, ‘२० हजार घाटा जाँदा त उकास्न धौधौ हुन्थ्यो २५/२७ लाख गयो, अब उकास्ने कसरी ?’
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...