नेकपा माओवादी केन्द्रका स्थायी कमिटी सदस्य लीलामणि पोखरेलले केही मान्यताको भिन्नता र परिवेशका कारण नेकपा विभाजन भएर आफूहरू अलग–अलग भएको बताएका छन् । उनले राष्ट्र निर्माणका लागि सबै दलहरूबीच सहमति र सहकार्य आवश्यक रहेको बताए । 

नेकपा एमालेको दशौं महाधिवेशनको उद्घाटन समारोहलाई शुक्रवार चितवनमा सम्बोधन गर्दै पोखरेलले मत भिन्नताका कारण ७२ वर्षको इतिहासमा एकीकरण र विभाजन भइरहेको बताएका हुन् । 

‘केही मान्यताको भिन्नता र परिवेशका कारण अलग भएका छौं । ७२ वर्षको इतिहासमा कम्युनिस्ट आन्दोलनमा एकीकरण र विभाजन भइरहेको छ,’ पोखरेलले भने ‘नेपाली कम्युनिस्ट आन्दोलनप्रति जनताको विश्वास छ । कम्युनिस्टहरूको एकता, संघर्ष र सहकार्य रहने हो भने समाजवादी क्रान्ति पूरा गर्न सकिन्छ । राष्ट्र निर्माणका लागि सहमति र सहकार्य आवश्यक छ ।’