दशौं महाधिवेशनको बन्दशत्र शुरू गर्नका लागि नेकपा एमालेका अध्यक्ष केपी शर्मा ओली महाधिवेशन कार्यक्रम स्थलमा पुगेका छन् । 

शनिवार बिहान १० बजे नै शुरू हुने भनिएको बन्दशत्र ढिलो गरी शुरू हुँदैछ । अध्यक्ष ओली पौने १ बजे बन्दशत्र स्थलमा आइपुगेका छन् । 

नेतृत्वमा सहमति जुटाउने प्रयास स्वरुप आफूपक्षीय नेताहरूसँग छलफल गरेर ओली बन्दशत्र स्थल सेभेनस्टार होटलमा आइपुगेका हुन् । 

बन्दशत्रको शुरूमा ओलीले सम्बोधन गर्ने कार्यक्रम रहेको एमाले सचिव योगेश भट्टराईले जानकारी दिए । विदेशी प्रतिनिधिहरुलाई बोल्न दिइसकेपछि विधान संशोधन प्रस्ताव पेश गर्ने र नयाँ नेतृत्व चयनको प्रक्रिया शुरू हुनेछ । 

सहमतिको प्रयास स्वरुप शुक्रवार मध्यरातमा बसेको एमाले केन्द्रीय कमिटी बैठकले पदाधिकारीको संख्या बढाउने तथा नयाँ निर्वाचित हुने केन्द्रीय सदस्यको संख्या ३०१ पुर्‍याउने निर्णय गरेको थियो ।