जाडोमा तातो तातो सुप पिउन मज्जा पनि आउँछ र स्वास्थ्य पनि राम्रो हुन्छ । रोगबाट बच्नका लागि पालुंगोको सुप प्रभावकारी हुन्छ ।

यहाँ हामी त्यसको रेसिपी बताउँदैछौं । 

सामग्री

पालुंगो २०० ग्राम (मसिनोसँग काटेको)

पानी एक कप

हरियो प्याज एउटा (काटेको)

ओलिभ तेल एक चम्चा

दूध एक कप

नून स्वादअनुसार

मरिच अलिकति

कोरेको चीज आवश्यकता अनुसार 

विधि

पहिला प्यानमा पानी तताएर पालुंगो राख्नुस् र पकाउनुस् । 

पाकेपछि छानेर पानी हटाउनुस् । 

अब ब्लेन्डरमा त्यो पाकेको पालुंगोको पेस्ट बनाउनुस् । 

प्यानमा ओलिभ अर्थात् जैतुनको तेल तताउनुस् । 

त्यसमा कोरेको चीज र प्याज हालेर एक मिनेटसम्म चलाउँदै पकाउनुस् । 

अब पालुंगोको पेस्ट, दूध, नून र मरिच हालेर तीन मिनेटसम्म लगातार चलाउँदै पकाउनुस् । 

सुप तयार भयो । 

त्यसलाई एउटा बाउलमा राखेर माथिबाट चीजले सजाएर पस्किनुस् ।