कात्तिक २२, २०८०
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
माघ ११, २०७८
निर्वाचन आयोगले स्थानीय तह चुनावको मिति यथाशीघ्र तोक्न सरकारलाई ताकेता गरेको छ ।
यसअघि आयोगले प्रधानमन्त्री शेरबहादुर देउवालाई भेटेर र सर्वदलीय छलफल गरेर आगामी वैशाखमा स्थानीय तहको निर्वाचन गर्न सिफारिस गरेको थियो ।
आयोगका पदाधिकारीसँगको भेटमा प्रधानमन्त्रीले राजनीतिक दलहरूसँग परामर्श गरेर निर्वाचनको मिति तोक्ने बताएका थिए ।
सत्ता सञ्चालन गरिरहेका गठबन्धन दलहरूबीच निर्वाचनबारे व्यापक छलफल भइरहेको छ तर उनीहरू तत्काल स्थानीय तहको निर्वाचन गर्ने पक्षमा छैनन् ।
बरु संविधान र स्थानीय तह निर्वाचन सम्बन्धी ऐनको प्रावधान परस्पर बाझिएको तर्क गरेर गठबन्धनमा रहेका दलहरू कानून संशोधन गर्ने तयारीमा छन् ।
संविधान र निर्वाचन कानून नबाझिने गरी ऐन संशोधन गर्नुपर्ने भएकाले त्यसका लागि कानूनका विज्ञहरूसँग सुझाव मागिएको नेकपा एकीकृत समाजवादी पार्टीका महासचिव वेदुराम भुसाल बताउँछन् ।
तर निर्वाचन आयोग अहिले विद्यमान कानूनको आधारमा आगामी जेठ ५ गते अगावै स्थानीय तहको निर्वाचन गरिसक्नुपर्ने पक्षमा छ ।
निर्वाचन आयोगका प्रवक्ता शालिग्राम शर्मा पौडेलले मंगलवार प्रेस विज्ञप्ति प्रकाशन गरेर स्थानीय तहको निर्वाचनबारे प्रधानमन्त्री शेरबहादुर देउवालाई २ पटक भेटेर मिति समेत प्रस्ताव गरेको जनाएका छन् ।
निर्वाचन आयोगले एकै चरणमा निर्वाचन गर्दा २०७९ वैशाख १४ गते र २ चरणमा निर्वाचन गर्नुपर्ने भएमा पहिलो चरणमा वैशाख १४ र दोस्रो चरणमा वैशाख २२ गते चुनाव गर्न प्रस्ताव गरेको छ ।
स्थानीय तहको निर्वाचन सम्पन्न गर्नका लागि आयोगलाई कम्तिमा १२० दिनको समय आवश्यक पर्ने भएकाले चाँडो निर्वाचनको मिति तोक्न आयोगले ताकेता गरेको प्रवक्ता पौडेलले बताए ।
स्थानीय तहका सबै निर्वाचित पदाधिकारीको कार्यकाल आगामी २०७९ जेठ ५ गते समाप्त हुने कानूनी व्यवस्था छ । स्थानीय तह निर्वाचन ऐन २०७३ को दफा ४ को व्यवस्था बमोजिम स्थानीय तहको कार्यकाल समाप्त हुनुअगावै स्थानीय तहको निर्वाचन हुनुपर्ने निर्वाचन आयोगले बताउँदै आएको छ ।
तर सरकारले निर्वाचनको मिति तोक्ने तत्परता देखाएको छैन । भूमि व्यवस्था, सहकारी तथा गरीबी निवारण मन्त्री शशी श्रेष्ठ अहिले सरकारमा निर्वाचन मिति तोक्नेबारे कुनै प्रस्ताव नआएको बताउँछिन् ।
‘अहिले सरकारमा निर्वाचनसँग सम्बन्धित कुनै प्रस्ताव आएको छैन । राजनीतिक दलहरूको बीचमा छलफल भइरहेको छ । छलफल टुंगो लागेपछि प्रस्ताव आउला नि !’ मन्त्री श्रेष्ठले भनिन् ।
सरकारले हालसम्म निर्वाचनको तयारीबारे खासै काम गरेको छैन । सत्ता सञ्चालनका लागि सहजीकरण गर्न बनाइएको राजनीतिक संयन्त्र र गठबन्धनका मुख्य नेताहरूले निर्वाचन सार्ने विषयमा गृहकार्य गरिरहेका छन् ।
सरकारका अर्का एक मन्त्रीले नाम उल्लेख नगर्ने शर्तमा भने, ‘निर्वाचनको विषय गठबन्धनमा टुंगो नलागी सरकारले अघि बढाउने विषय रहेन । गठबन्धनमा शीर्ष नेताहरूले जस्तो निर्णय गर्छन्, सरकारले त्यसैको कार्यान्वयन गर्ने हो । तत्काल सरकारले निर्वाचनको विषयमा कुनै निर्णय लिने सम्भावना छैन ।’
तर प्रमुख प्रतिपक्ष दल नेकपा एमालेले भने संविधान र कानून अनुसार आगामी वैशाखमा कुनै पनि हालतमा निर्वाचन गर्नुपर्ने बताउँदै आएको छ । नेकपा एमालेमा निर्वाचनको हुटहुटी देखिन्छ ।
गठबन्धनमा रहेका दलहरू अहिले निर्वाचनमा जाँदा आफ्नो पक्षमा नतिजा नआउने आकलन गरेर निर्वाचनबाट भागिरहेका छन् ।
सत्ताको नेतृत्व गरिरहेको नेपाली कांग्रेसले निर्वाचनबारे हालसम्म आधिकारिक धारणा बनाउन सकेको छैन । गठबन्धनमा रहेकामध्ये निर्वाचनको सन्दर्भमा नेकपा माओवादी केन्द्र, नेकपा एकीकृत समाजवादी पार्टी मुख्य रूपमा गठबन्धनमा हाबी भएका छन् ।
एकीकृत समाजवादी पार्टीका महासचिव भुसाल भन्छन्, ‘राजनीतिक दलहरूले संधिवानमा भएको व्यवस्थालाई आफ्नो पार्टी अनुकूल व्याख्या गरिरहेका छन् । संविधान र ऐन बाझिएको थाहा पाएपछि त्यसलाई सच्याएर अघि बढ्नुपर्छ । गठबन्धन त्यसको तयारीमा छ ।’
गठबन्धनमा रहेका दलहरू नै निर्वाचनका लागि तयार नभएपछि सरकारले तत्कालै स्थानीय तह निर्वाचनको मिति तोक्ने सम्भावना देखिएको छैन ।
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...