जनता समाजवादी पार्टी (जसपा)का संघीय परिषद् अध्यक्ष डा. बाबुराम भट्टराईले देशको भूराजनीतिक र अल्पविकास हेरेर एमसीसीबारे निर्णय गर्नुपर्ने बताएका छन् । 

बुधवार दिउँसो १ बजे संसद बैठकमा सरकारले एमसीसी टेबुल गर्ने तयारी गरेका बेला भट्टराईले एमसीसीबारे यस्तो धारणा राखेका हुन् । 

‘वैचारिक/राजनीतिक आधारमा धनी/ठूला देशले गरीब/साना देशलाई सहयोग गर्न सक्छन् ! तर गरीब/साना देशले वैचारिक/राजनीतिक भन्दा पनि व्यवहारिक/आवश्यकताको आधारमा बाह्य सहयोग लिने/नलिने निर्णय गर्छन्/गर्नुपर्छ,’ उनले ट्वीटरमा लेखेका छन्, ‘एमसीसी त्यसको पछिल्लो उदाहरण हो । हामीले देशको भूराजनीति र अल्पविकास हेरेर निर्णय गरौं !’