नेकपा (एकीकृत समाजवादी)को स्थायी कमिटी बैठक बानेश्वरमा शुरू भएको छ । बैठकमा एमसीसीलगायतका विषयमा छलफल हुनेछ । 

एमसीसी अध्ययन कार्यदलले केन्द्रीय सचिवालयमा बुझाएको प्रतिवेदनमाथि छलफल गरेर निष्कर्ष निकालिने एक नेताले बताए । 

सरकारले एमसीसी संसदमा टेबुल गर्ने तयारी गरे सत्ता गठबन्धनमै सहमति हुन सकेको छैन । 

माओवादी केन्द्र एमसीसीको विपक्षमा रहे पनि समाजवादीले पार्टीको बैठकबाट निर्णय गरेर आधिकारिक धारणा तय गर्ने बताउँदै आएको छ । 

सत्ता गठबन्धनको बैठकमै अध्यक्ष माधवकुमार नेपालले फागुन ७ गतेसम्म प्रधानमन्त्री शेरबहादुर देउवालाई कुर्न आग्रह गरेका थिए । 

यस्तो अवस्थामा एमसीसीबारे समाजवादीले लिने निर्णयलाई महत्त्वका साथ हेरिएको छ।