नेकपा (एस)को सोमवार केन्द्रीय सचिवालय बैठक बस्ने भएको छ । पार्टीभित्रै एमसीसीबारे विवाद चर्किएपछि सचिवालय बैठक बोलाइएको हो । 

बैठक दिउँसो १ बजे बस्ने नेता जीवनराम श्रेष्ठले जानकारी दिए । 

शनिवार बसेको स्थायी कमिटी बैठकले एमसीसी पेश गर्न दिने तर, संशोधन विना पास गर्न नदिने निर्णय गरेको थियो ।

संसदमा एमसीसी टेबुल गर्न दिने निर्णय गरेको भन्दै पार्टीका सम्मानित नेता झलनाथ खनालले असन्तुष्टि जनाएका थिए । खनालले संसद बैठकमै एमसीसीको विरोध गरेका थिए ।