अमेरिकी सहयोगको एमसीसी सम्झौता संसदबाट पारित गराउन जोडबल गरिरहेका प्रधानमन्त्री शेरबहादुर देउवा र प्रमुख प्रतिपक्षी दल नेकपा एमालेका अध्यक्ष केपी शर्मा ओलीबीच बालकोटमा भेटवार्ता भइरहेको छ ।

देउवा र ओलीबीच केही दिनयता भइरहेको छलफलकै निरन्तरताका लागि बालकोटमा भेटवार्ता भइरहेको छ ।

छलफलमा देउवासँगै सञ्चार तथा सूचना प्रविधिमन्त्री ज्ञानेन्द्रबहादुर कार्की, कांग्रेस उपसभापति पूर्णबहादुर खड्का र महामन्त्री गगनकुमार थापा तथा नेकपा एमालेका महासचिव शंकर पोखरेल र उपमहासचिव प्रदीप ज्ञवाली सहभागी छन् ।

यसअघिका छलफलमा प्रधानमन्त्री देउवाले एमसीसी पारित गर्न ओलीसँग सहयोग मागेका थिए भने ओलीले संसदको गतिरोध अन्त्यका लागि एमालेका माग पूरा हुनुपर्ने शर्त राखेका थिए ।