नेकपा माओवादी केन्द्र अमेरिकी सहयोगको एमसीसी सम्झौताका पक्षमा उभिएपछि पार्टीभित्र उत्पन्न विवादलाई अतिरञ्जित नगर्न नेता नारायणकाजी श्रेष्ठले आग्रह गरेका छन् ।

बिहीवार सामाजिक सञ्जाल ट्विटरमा लेख्दै नेता श्रेष्ठले अध्यक्ष प्रचण्ड र अन्य नेतृत्वसँग पनि छलफल भइरहेको बताए ।

उनले लेखेका छन्, ‘हाम्रो पार्टीभित्र देखिएको मतभेद र अन्तर्विरोधलाई लिएर विभिन्न सञ्चारमाध्यममार्फत विभिन्न ढंगले प्रचार भइरहेको सम्बन्धमा विषयलाई अतिरञ्जित ढंगले नबुझ्न सबैसँग अनुरोध गर्दछु । अध्यक्ष क. प्रचण्ड र मेरो बीचमा छलफल जारी छ र अन्य नेतृत्वदायी कमरेडहरूसँग पनि छलफल भइरहेको छ ।’

माओवादी केन्द्र एमसीसीको पक्षमा उभिएपछि नेता श्रेष्ठ लगायत असन्तुष्ट रहेका छन् ।