प्रधानमन्त्री एवं नेपाली कांग्रेसका सभापति शेरबहादुर देउवाले ललितपुर महानगरपालिका निवासी डीबी लामाको निधनप्रति दुःख व्यक्त गरेका छन् ।

लामाको फागुन १७ गते आफ्नै निवासमा ७१ वर्षको उमेरमा निधन भएको हो ।

प्रधानमन्त्री देउवाले शुक्रवार शोक वक्तव्यमार्फत उनीप्रति श्रद्धाञ्जली अर्पण गर्दै शोक सन्तप्त परिवारजनमा पार्टी र आफ्नो तर्फबाट समवेदना प्रकट गरेका छन् ।

लामा विक्रम संवत् २०२८ सालदेखि कांग्रेसका पूर्व सभापति एवं पूर्व प्रधानमन्त्री स्व. गिरिजाप्रसाद कोइरालाको सहयोगीका रूपमा रहँदै आएका थिए ।

विक्रम संवत् २०३० सालमा प्रजातन्त्र स्थापनाका लागि आर्थिक सहयोग जुटाउन गरिएको विमान अपहरण काण्डमा भारततर्फ बसेर लामाले महत्त्वपूर्ण भूमिका निर्वाह गरेका पार्टी कार्यालयले जनाएको छ । उनका पत्नी, १ छोरा र १ छोरी छन् ।