पेट्रोलियम पदार्थको मूल्यमा भएको वृद्धिको विरोध गर्दै आन्दोलनको घोषणा गरेका ट्रक व्यवसायीले जिल्ला प्रशासन कार्यालय चितवनमार्फत सरकारलाई ज्ञापन पत्र बुझाएका छन् ।  सरकारले पटक पटक पेट्रोलियम पदार्थको मुल्य बृद्धि गरेको तर विगत ६ वर्ष  देखी ढुवानी भाडा नबढाएको भन्दै उनीहरुले प्रमुख जिल्ला अधिकारी अस्मान तामाङलाई ज्ञापन पत्र बुझाएका हुन् । 

धादिङका व्यवसायी मनोज केसीको नेतृत्वमा १०० बढी व्यवसायीहरु रामनगरमा जम्मा भएर आन्दोलनका कार्यक्रम घोषण गरी प्रमुख जिल्ला अधिकारी समक्ष ज्ञापन पत्र बुझाएका हुन् । यहि फाल्गुन २१ गते पहिलो चरणको आन्दोलन थालेको र यहि २८ गते भित्र आफुहरुको माग सम्बोधन नभए २९ गते देखी देशैभरिका व्यवसायीले आफनो ट्रक घरमै थन्काएर अनिश्चितकालिन आन्दोलन गर्ने व्यवसायी केसीले बताए । ज्ञापन पत्र बुझदै चितवनका प्रमुख जिल्ला अधिकारी तामाङले व्यवसायीका समस्या सम्बोधनमा आफुहरुले पहल गर्ने र ज्ञापन पत्र गृह मन्त्रालयमा पठाउने बताए ।