शहरी विकास मन्त्री रामकुमारी झाँक्रीले  बुधवार महानगरीय ट्राफिक प्रहरी महाशाखालाई ट्राफिक व्यवस्थापनका उपकरणहरू हस्तान्तरण गरेकी छन् ।

काठमाडौं उपत्यका विकास प्राधिकरणले गरेको कार्यक्रममा झाँक्रीले महाशाखाका प्रमुख प्रहरी वरिष्ठ उपरीक्षक (एसएसपी) उमेशराज जोशीलाई २० वटा ह्‍वील लक तथा ८८ वटा म्याजिक लाइट हस्तान्तरण गरेकी हुन् ।

बढ्दो सवारीसाधन सँगसँगै भइरहेको सवारी चाप व्यवस्थापन गर्न तथा सडक फुटपाथका अनाधिकृत पार्किङलाई निरुत्साहित एवम् नियन्त्रण गर्न पहिलो चरणमा ट्राफिक व्यवस्थापनका उपकरणहरू सहयोगस्वरुप उपलब्ध गराइएको बताइन् । उनले ट्राफिक प्रहरीलाई प्रविधियुक्त र साधन स्रोत सम्पन्न बनाउन नेपाल सरकार प्रतिबद्ध रहेको समेत बताइन् ।