टिप्परको ठक्करबाट पैदलयात्रीको मृत्यु

बाँकेमा टिप्परको ठक्करबाट मंगलवार एक पैदल यात्रीको मृत्यु भएको छ ।

कोहलपुरबाट नेपालगञ्जतर्फ जाँदै गरेको भे १ क ६५६ नम्बरको टिप्परले नेपालगञ्ज उपमहानगरपालिका-२० राँझा चोकमा ठक्कर दिँदा स्थानीयवासी ७० वर्षीय वीरबल भण्डारीको मृत्यु भएको जिल्ला प्रहरी कार्यालय बाँकेका प्रहरी नायव उपरीक्षक मधुसूदन न्यौपानेले जानकारी दिए । 

ठक्करबाट गम्भीर घाइते भएका भण्डारीलाई अस्पताल पुर्‍याएलगत्तै चिकित्सकले मृत घोषणा गरिएको उनले बताए ।

ठक्कर दिइने टिप्पर र त्यसका चालकलाई प्रहरीले नियन्त्रणमा रहेको प्रहरीले जनाएको छ ।