बुधवार शेयर बजारमा दोहोरो अंकको वृद्धि भएको छ ।

यस दिन नेप्से परिसूचक ४०.६८ अंकले बढ्दै २५६८.२५ विन्दुमा पुगेको छ ।

यस दिन सेन्सेटिभ सूचक ८.१३ अंकले बढ्दै ४८०.०६ विन्दुमा पुगेको छ ।

अघिल्ला दिनहरूमा निरन्तर घटिरहेको शेयर बजार बुधवार भने बढिरहेको हो । 

बुधवार २ सय ३२ कम्पनीको ४५ लाख २ हजार ५ सय ११ कित्ता शेयर २ अर्ब २५ करोड १ लाख १७ हजार २९६ रुपैयाँ बराबरमा किनबेच भएका छन् ।

यी शेयरहरू ३६ हजार ८ सय ११ पटक कारोबार भएका छन् ।

यस दिन इमर्जिङ नेपाल लिमिटेड, राष्ट्र उत्थान लघुवित्त संस्था लिमिटेड र नेष्डो समृद्ध लघुवित्त बित्तीय संस्था लिमिटेडको शेयर मूल्य १० प्रतिशतले बढेको छ ।

यस दिन सामलिङ पावर कम्पनी लिमिटेडको शेयर मूल्य भने ९.८४ प्रतिशतले बढेको छ ।

बुधवार ९.५ प्रतिशत एनसीसी डिबेञ्चर २०८६ को शेयर मूल्य २ प्रतिशतले गिरावट आएको छ ।

कारोबार रकमका आधारमा सिद्धार्थ इन्स्योरेन्स लिमिटेडको शेयर सर्वाधिक बढी ११ करोड २७ लाख २३ हजार ४०६ रुपैयाँमा कारोबार भएको छ ।