राप्रपा नेपालका अध्यक्ष कमल थापासहित शीर्ष नेताहरू चैत २४ गते बिहीवार नेपालगन्ज आउने भएका छन् ।

राप्रपा नेपाल बाँकेले आयोजना गरेको अगुवा कार्यकर्ता भेला  तथा पार्टी प्रवेश कार्यक्रमलाई सम्बोधन गर्न अध्यक्ष थापासहितका नेताहरू नेपालगन्ज आउने भएका हुन् ।

भेलामा अध्यक्ष थापासँगै उपाध्यक्ष राजेन्द्र वीर राय, सहमहामन्त्री हिक्मत ढकाल, सहायक महामन्त्री खेमराज गाैतमसहितका नेताहरूले सम्बोधन गर्ने राप्रपा नेपाल बाँके अध्यक्ष दीपेन्द्रबहादुर सिंहले जानकारी दिए । 

स्थानीय चुनावलाई लक्षित गरी अगुवा कार्यकर्ता भेला गरिएको राप्रपा नेपालका केन्द्रीय सदस्य श्रीधर सुवेदीले बताए ।