नेपाल बार एशोसिएशनको नयाँ नेतृत्वका लागि भइरहेको मतगणनामा सत्तारुढ गठबन्धनमा रहेका राजनीतिक दल निकट कानून व्यवसायीको अग्रता कायम छ ।

साँझ साढे ६ बजेसम्म १ हजार २४६ मत मतगणना हुँदा गठबन्धनका अध्यक्षका उम्मेदवार गोपालकृष्ण घिमिरेले ७७७ मत प्राप्त गरेका छन् ।

नेकपा एमाले निकट प्रगतिशील तथा पेशागत कानून व्यवसायी संगठनका अध्यक्षका उम्मेदवार विष्णुमणि अधिकारीले ३७२ मत प्राप्त गरेका छन् ।

नेपाल बार एशोसिएशनका महासचिव लीलामणि पौडेलले दिएको जानकारीअनुसार महासचिवमा गठबन्धनका उम्मेदवार अञ्जिता खनालले ६९७ मत र प्रगतिशीलका केदार कोइरालाले ४४३ मत ल्याएका छन् ।