टेलिकमको प्रवन्ध निर्देशकमा सुनिल पौडेल नियुक्त

सरकारले नेपाल टेलिकमको प्रवन्ध निर्देशक (एमडीमा) मा सुनिल पौडेललाई नियुक्त गरेको छ । बिहीबार बसेको मन्त्रिपरिषद्को बैठकले पौडेललाई आगामी ४ वर्षको लागि प्रवन्ध निर्देशकमा नियुक्त गरेको हो ।
सञ्चार सचिव बैकुण्ठ अर्यालको समितिले पौडेलसहित ३ जनाको नाम सिफारिश गरेको थियो ।

समितिले टेलिकमको प्रबन्ध निर्देशकको दौडमा रहेका नौजना उम्मेदवारहरूबाट पूर्व प्रबन्ध निर्देशक बुद्धि आचार्य, वर्तमान प्रमुख व्यवसायिक अधिकृत संगीता पहाडी अर्याल र पौडेलको नाम मन्त्रिपरिषद्मा सिफारिश गरेको थियो । 
गत २२ मंसिरमा दर्ता भएका दरखास्त मध्येबाट सर्ट लिस्टमा परेको ९ जनाको परेका थिए । टेलिकमको प्रतिस्पर्धाको दौडमा रहेका अन्य ६ जनामा अर्जुनबाबु ढकाल, अमलेन्दु नारायण सिंह र दीपक बहादुर शाही, नगेन्द्रकुमार दास, प्रदीपराज उपाध्याय र सुरजसिंह थापा थिए । 

थप

कम योग्यलाई टेलिकमको एमडी नियुक्त गर्न चलखेल, व्यक्ति केन्द्रित गरी योग्यता घटाइयो