कोलम्बियामा बाढीमा परेर कम्तीमा पनि १३ जनाको ज्यान गएको छ । 

बाढीमा परेर कोलम्बियाको उत्तरपश्चिमी क्षेत्रमा १३ जनाको ज्यान गएको र अरू केही हराइरहेका बताइएको छ । त्यहाँ केही दिनदेखि अविरल वर्षा जारी छ । वर्षाका कारण बाढी आएको र शुक्रवारसम्ममा १३ जनाको ज्यान गएको त्यहाँको प्रकोप नियन्त्रण विभागले जनाएको छ ।

अकस्मात भारी वर्षा शुरू भएको सो क्षेत्रका विभिन्न स्थानमा वर्षा जारी छ । वर्षाका कारण यहाँको जनजीवन पनि प्रभावित भएको छ । 

वर्षा अहिले नै रोकिने अवस्था नदेखिएको भन्दै त्यहाँको मौसम विभागले नागरिकहरुलाई सतर्कता अपनाउन सूचना जारी गरेको छ । बाढीका कारण कतिपय सडकहरुमा पहिरो गएकाले यातायात पनि अवरुद्ध भएको छ । - रासस÷सिन्ह्वा