कैलालीमा आफ्नै श्रीमानको हत्या गरेको आरोपमा एक महिला पक्राउ परेकी छन् । 

आफ्नै ४४ वर्षीय श्रीमान् नारायण बुढामगरको हत्या गरेको आरोपमा मोहन्याल गाउँपालिका-१ राक्साकी ३३ वर्षीया थुमा थापामगरलाई आइतवार राति प्रहरीले नियन्त्रणमा लिएको छ ।

घरायसी विवादको क्रममा हँसियाले प्रहार गरी विभत्स हत्या गरेपछि आफैं इलाका प्रहरी कार्यालय पण्डौन आत्मसमर्पण गरेकी थिइन् । 

यस सम्बन्धमा प्रहरीले थप अनुसन्धान गरिरहेको छ ।