प्रधानसेनापति प्रभुराम शर्माले ‘स्थानीय तह निर्वाचन’मा नेपाली सेना परिचालन गर्न निर्देशन दिएका छन् । 

आगामी वैशाख ३० गते स्थानीय तहको निवार्चन परिचालन गर्न सरकारले निर्णय गरेपछि प्रधानसेनापति शर्माले आइतवार निर्देशन दिएका जनसम्पर्क निर्देशनालय जङ्गी अड्डाले जनाएको छ । 

सेनापतिले ४ वटै कमाण्डका माण्ड सेनापतिहरूलाई ४ बुँदे निर्देशन दिएका छन् । 
 
आ–आफ्नो जिम्मेवारी क्षेत्रको सुरक्षा स्थितिको निरन्तर मूल्यांकन गर्ने, जिल्ला प्रशासन कार्यालय, प्रदेश एवं स्थानीय सुरक्षा निकायहरू तथा जिल्ला निर्वाचन आयोगका कार्यालयसँग असरदार रूपमा समन्वय गरी कार्य गर्ने, देशैभर नेपाली सेना उच्च सतर्कताका साथ रहने तथा बम डिस्पोजल टोली आवश्यकता अनुसार तयारी हालतमा राख्न र  नेपाल सरकार तथा निर्वाचन आयोगको कार्यादेश बमोजिम शान्ति सुरक्षा तथा सुव्यवस्था कायम गरी आसन्न निर्वाचन सफलतापूर्वक सम्पन्न गर्ने निर्देशन दिएको सेनाले जनाएको छ ।

प्रधानसेनापति शर्माले ‘स्थानीय तह निर्वाचन एकीकृत सुरक्षा योजना २०७८’मा उल्लेखित नेपाली सेना सम्बन्धी बुँदाहरूलाई अक्षरश पालना गर्न समेत निर्देशन दिएका छन् ।