राप्रपा नेपालका अध्यक्ष कमल थापाले स्थानीय चुनावअघि सार्वजनिक भएका राजनीतिक दलका घोषणापत्रका योजना वितरणमुखी भएको भन्दै असन्तुष्टि व्यक्त गरेका छन् ।

सामाजिक सञ्जाल ट्विटरमा लेख्दै अध्यक्ष थापाले कसैले पनि पालिकाको आय बढाउने, रोजगारी सिर्जनालाई प्राथमिकता नदिएको जनाएका छन् ।

उनले लेखेका छन्, ‘अधिकांश दलहरूका घोषणापत्र वितरणमुखी छन् । निःशुल्क बिजुलीदेखि सुत्केरी भत्तासम्मका आश्वासन बाँडिएका छन् तर कसैले पनि पालिकाको आय बढाउने, रोजगारी सिर्जनालाई प्राथमिकता दिएका छैनन् । पालिका भनेको लुटको धनमा फुपुको श्राद्ध गर्ने ठाउँ हो ? सानै/नयाँ भए पनि राप्रपा नेपाल यस मानेमा अपवाद छ ।’