लहरीमा मोटरसाइकल ठोक्किदा २ जनाको मृत्यु

रूपन्देहीको सियारी गाउँपालिका–२ कुट्टामा रोकी राखेको लहरीमा मोटरसाइकल ठोक्किँदा दुई जनाको मृत्यु भएको छ ।

बेलबास–बेथरी सडकखण्डमा लु७४प ४४७९ नम्बरको मोटरसाइकल भारतीय नम्बरको लहरीमा ठोक्किएको जिल्ला प्रहरी कार्यालय रुपन्देहीका प्रवक्ता प्रहरी नायव निरीक्षक नवरत्न पौडेलले जानकारी दिए । 

दुर्घटनामा मोटरसाइकल चालक स्थानीय २५ वर्षीय रामनिवास बेलदार र पछाडि सवार ५० वर्षीय रामायण पासीको मृत्यु भएको उनले बताए । दुर्घटनामा गम्भीर घाइते भएका उनीहरुको उपचारका क्रममा भैरहवा स्थित भीम अस्पतालमा मृत्यु भएको हो ।