ललितपुर महानगरपालिकाको मेयर उम्मेदवार कांग्रेसका चिरीबाबु महर्जनले आफूले १५ हजार बढी मत जित्ने दाबी गरेका छन् । 

सोमवार मेयरमा उम्मेदवारी दर्तापछि प्रतिक्रिया दिँदै उनले आफूले मेयर हुँदा राम्रो काम गरेकाले फेरि पनि आफैंले जित्ने दाबी गरेका हुन् । 

‘शिक्षा, स्वास्थ्य, वातावरणका क्षेत्रमा राम्रो काम गरेको छु,’ उनले भने, ‘ललितपुरको कायापलट गर्न समक्ष भएकाले फेरि म नै जित्छु ।’

चिरिबाबु यसअघि सानो मतान्तरले विजयी भएका थिए । अहिले गठबन्धन पनि भएकाले उनले भारी मतले जित्ने दाबी गरेका हुन् । 

भागबण्डाअनुसार उपप्रमुख माओवादी केन्द्रको भागमा परेको छ ।