‘लौरो’ पाएपछि बालेनले भने- बूढाबूढीलाई टेकाउन मिल्ने, भ्रष्टाचारीलाई सेकाउन मिल्ने

काठमाडौं महानगरको मेयर पदमा स्वतन्त्र उम्मेदवारी दिएका बालेन शाहले ‘लौरो’ चुनाव चिह्न पाएका छन् । 

बालेनलाई शनिवार निर्वाचन आयोगले ‘लौरो’ चुनाव चिह्न दिएको हो । 

काठमाडौंको सभागृहमा रहेको मुख्य निर्वाचन अधिकृतको कार्यालय पुगेर बालेनले चुनाव चिह्न लिएका हुन् ।

चिह्न लिइसकेपछि उनले सामाजिक सञ्जाल फेसबुकमा लेखेका छन्- चुनाव चिह्न लौरो, बूढाबूढीलाई टेकाउन मिल्ने, भ्रष्टाचारीलाई सेकाउन मिल्ने ।

स्थानीय तह निर्वाचनका लागि वैशाख ३० गते मतदान हुँदैछ ।