सरकारले आगामी जेठ ३ गतेका लागि बजेट अधिवेशन आह्वान गर्न राष्ट्रपतिसमक्ष सिफारिश गरेको छ ।

आइतवार बसेको मन्त्रिपरिषद् बैठकले जेठ ३ गते दिउँसो ४ बजे बस्ने गरी अधिवेशन आह्वान गर्न राष्ट्रपति विद्यादेवी भण्डारीसमक्ष सिफारिस गर्ने निर्णय गरेको खेलकुद मन्त्री महेश्वर गहतराज ‘अथक’ले जानकारी दिए । 

बजेट जेठ १५ गतेभित्र ल्याइसक्नुपर्ने हुन्छ । 

बजेटअघि संसदमा राष्ट्रपतिले सरकारका वार्षिक नीति तथा कार्यक्रम पेश गर्ने परम्परा छ ।

सभामुखको भूमिकालाई लिएर एमालेले गत वर्षको भदौ २३ गतेदेखि संसद् अवरोध गरेका कारण संसदमा​ राष्ट्रपति जाने/नजाने अन्योल छ ।