कलंकीमा टिपरले मोटरसाइकललाई ठक्कर दिँदा एक जनाको मृत्यु

कलंकीमा टिपरले ठक्कर दिँदा एक जनाको मृत्यु भएको छ ।

थानकोटबाट कलंकी आउँदै गरेको बा ५ ख ७३४५ नम्बरको टिपरले बा ८० ख ६३७३ नम्बरको मोटरसाइकललाई ठक्कर दिँदा मोटरसाइकल चालक धादिङ धुनिवेशी नगरपालिका-२ का ४५ वर्षीय दिवाकर अधिकारीको मृत्यु भएको प्रहरी वृत्त कालीमाटीका वृत्तपति डीएसपी अनिल घिमिरेले जानकारी दिए । 

प्रहरीले टिपर चालक धादिङ धार्के-१० का लीलाबहादुर तामाङलाई पक्राउ गरेको छ । टिपर पनि नियन्त्रणमा लिएर अनुसन्धान गरिरहेको प्रहरीले जनाएको छ । 

प्रहरीका अनुसार थानकोटबाट सँगै आएका टिपर र मोटरसाइकल कलंकी चोकको मोडमा विपरीत दिशामा जान खोज्दा दुर्घटना भएको हो ।