रुपन्देही प्रहरीले नक्कली सुन बिक्री वितरणमा ठगी गर्ने गिरोहलाई पक्राउ गरेको छ ।

प्रहरीले जेठ ५ गते रुपन्देहीको सैनामैना नगरपालिका–१० शीतलापुरस्थित होटलमा बुटवल उपमहानगरपालिका– १७ बस्ने वर्ष ४० की धन सौमैलाई बोलाई आफूहरूसँग रहेको सुनजस्ता देखिने गोल्डेन कलरको धातु दिएर ठगी गरेको अभियोगमा पक्राउ गरी मंगलवार सार्वजनिक गरेको हो । 

रुपन्देहीको गैडहवा गाउँपालिका–९ धुसुवा बस्ने ३७ वर्षीय काके भन्ने धनबहादुर सुनार, कञ्चन गाउँपालिका–१ हात्तीबजार बस्ने ३७ वर्षिय नवीन भन्ने देवबहादुर मगरलाई सैनामैना नगरपालिका–१ हात्ती बजारबाट पक्राउ गरिएको प्रहरीले जनाएको छ । 

उनीहरूले पीडित महिलालाई होटलमा बोलाई ‘तपाईंको पुरानो बाँकी रहेको पैसा दिन्छौं’ भनी विभिन्न प्रलोभनमा पारी झुक्याइ नक्कली सुनका ढिक्का दिएर महिलासँग रहेको सुनको चेन (ब्रासलेट) समेत लिई फरार रहेका थिए । 

प्रहरीले उनीहरूसँग सुन जस्तो देखिने पहेंलो पदार्थ लगाएको फलामको ढिक्का ९ र विभिन्न कम्पनीका मोबाइल सेट ४ र पीडितको ब्रासलेट गालेर बनाएको करीब १ तोला ७ लाल बराबर तौलको सुनको डल्लो समेत बरामद गरिएको प्रहरीले जनाएको छ ।