सरकारले आगामी आर्थिक वर्षमा उत्पादनमूलक उद्योगलाई सस्तोमा बिजुली दिने भएको छ ।

निर्यात योग्य वस्तुको उत्पादन गर्नेलाई लाभ पुग्ने गरी सस्तोमा बिजुली उपलब्ध गराउने राष्ट्रपति विद्यादेवी भण्डारीले मंगलवार संसदको दुवै सदनमा पेश गरेको आगामी आवको नीति तथा कार्यक्रममा उल्लेख छ । 

हाल सरकारले निर्यात गरेको बिजुली नेपालमा उपभोक्ताले खरिद गर्नेभन्दा सस्तो भएकोले सोही दरमा उत्पादनमूलक उद्योगले पनि बिजुली पाउने भएका छन् ।

यस्तो बिजुली निर्यातयोग्य उद्योगको लागि केन्द्रिकृत गरेर दिइने पनि सरकारको नीति तथा कार्यक्रममा उल्लेख छ ।