नेकपा एमालेका सचिव गोकर्ण विष्टले सरकारको नीति तथा कार्यक्रम चौबाटोमा उभिएको दिशाहीन बटुवा र कुहिरोको कागजस्तो भएको टिप्पणी गरेका छन् । संसदमा नीति तथा कार्यक्रममाथिको छलफलमा भाग लिँदै उनले जनतामा कुनै उत्साह प्रदान गर्न नसकेको र नेपालीलाई आशा जगाउन नसक्ने तथा समृद्ध नेपाल बनाउनेमा केन्द्रित नभएको बताएका हुन् । 

विष्टले बजेट अगाडिको सरकारको नीति तथा कार्यक्रम गरिबी ,अभावमा बसेको र आशा गरेर बसेका जनतालाई वेवास्ता गरिएको पनि बताए । 

राष्ट्रिय अर्थतन्त्रमा देखिएको समस्या समाधानमा सरकार नलागेको उनको आरोप छ । खर्बौंको पेट्रोलियम पदार्थको आयात प्रतिस्थापन गर्ने र ऊर्जा विकास गर्ने नीति सरकारले ल्याउनुपर्नेमा त्यसलाई वेवास्ता गरेर नीति तथा कार्यक्रम आएको पनि उनले बताए ।