सर्वोच्च अदालतले निर्माणमा अहिलेसम्म भएका सबै निर्णय खारेज गरेर निर्माणमा रोक लगाएको निजगढ विमानस्थललाई सरकारले बजेटमार्फत निर्माण गर्ने घोषणा गरेको छ । 

आगामी आर्थिक वर्ष २०७९/८० को बजेटमार्फत अर्थमन्त्री जनार्दन शर्माले निगजढ विमानस्थलको ढाँचा निर्माण गरी लगानी बोर्डबाट आयोजना विकास कार्य अगाडि बढाउने घोषणा गरेका हुन् । उनले गौतमबुद्ध र पोखरा विमानस्थललाई पूर्ण रूपमा सञ्चालनमा ल्याउने घोषणा पनि गरेका छन् । 

गत बिहीवार मात्रै सर्वोच्च अदालतले निजगढमा अन्तर्राष्ट्रिय विमानस्थल निर्माण नगर्न फैसला गरेको भए पनि सरकारले भने बजेटमार्फत उक्त विमानस्थल निर्माणको कार्य अगाडि बढाउने योजना सार्वजनिक गरेको छ ।