नेपाली कांग्रेसका नेता एवं काठमाडौं–१ का प्रतिनिधिसभा सदस्य प्रकाशमान सिंहले काठमाडौं उपत्यकाको ट्राफिक व्यवस्थापन सहज गर्न स्कूल र कार्यालय समय फरक गर्न प्रस्ताव गरेका छन् ।

बिहीवार बसेको प्रतिनिधिसभा बैठकको शून्य समयमा सांसद सिंहले काठमाडौंको ट्राफिक व्यवस्थापन सहज गर्न स्कूल र कार्यालय समय फरक गर्नेबारे सोच्न सरकारको ध्यानाकर्षण गराएका हुन् । 

‘काठमाडौंको जीवनमा अस्तव्यस्तता छ, फोहोर व्यवस्थापन गर्न नसक्दा, बजार भाउ नियन्त्रण गर्न नसक्दा र ट्राफिक जामका कारण एक ठाउँबाट अर्को ठाउँमा जान समय लाग्ने गरेको छ,’ सिंहले भने, ‘स्कूल जाने समय र नेपाल सरकारको अफिस सञ्चालन गर्ने समय फरक गरेमा ट्राफिक व्यवस्थापनमा केही कमी आउँछ कि ? यतातिर पनि नयाँ किसिमले सोच्दा राम्रो हुन्छ कि भन्ने लागेको छ ।’