प्रतिनिधि सभामा ४ मन्त्रालयका विविध शीर्षकमाथि छलफल जारी

प्रतिनिधि सभाको बिहीवारको बैठकमा विनियोजन विधेयक २०७९ अन्तर्गत विभिन्न ४ मन्त्रालयका विविध शीर्षकमाथिको छलफल जारी छ ।

बिहीवारको बैठकमा खानेपानी, अर्थ, रक्षा र शिक्षा विज्ञान तथा प्रविधि मन्त्रालयका विभिन्न शीर्षकमाथिको छलफल जारी रहेको हो । 

बैठकमा सांसदहरू प्रेम सुवाल, दुर्गा पौडेल, यज्ञराज सुनुवार, डा. सूर्यप्रसाद पाठकले ती मन्त्रालयका विविध शीर्षकमाथि खर्च कटौतीको प्रस्ताव प्रस्तुत गर्दै विनियोजन विधेयक २०७९ माथिको छलफलमा समेत भाग लिए ।

सांसद भीमबहादुर रावल र नवराज सिलवालले गर्ने खर्च कटौतीको प्रस्ताव राख्ने कार्यसूची छ ।