जनता समाजवादी पार्टी (जसपा) नेपाल संघीय परिषद् अध्यक्ष तथा पूर्व प्रधानमन्त्री डा. बाबुराम भट्टराईले स्थानीय चुनावको गठबन्धनमा जसपाको अवस्था ‘माझीदाइ’ जस्तो रहेको टिप्पणी गरेका छन् ।

सामाजिक सञ्जाल ट्विटरमा लेख्दै भट्टराईले गठबन्धनबाट माओवादीले फाइदा लिएको जनाएका छन् ।

उनले लेखेका छन्, ‘गोरखाको गोरखा नपा र गण्डकी गापा पनि माओवादीले जसपाको सहयोगमा जितेको हो । देशैभर जसपाको अवस्था चाहिँ ‘माझीदाइ’को जस्तो रहेको हो – अरूलाई नदी तार्ने तर आफू चाहिँ वरै बस्ने !’

स्थानीय चुनावमा सत्तारुढ दलबीच गठबन्धन भए पनि जसपाले अपेक्षाकृत सफलता पाउन सकेन ।