भक्तपुरमा बढीरहेको वायु प्रदूषणलाई मध्यनजर गर्दै शनिबार क्लिनिक वानको प्राङ्गणमा संचालित स्वास्थ्य शिविरमा  भक्तपुर जिल्लाका ४३ जना ट्राफिक प्रहरीहरुको निःशुल्क स्वास्थ्य परिक्षण गरिएको छ । 
वरिष्ठ पुल्मनोलोजिस्ट डा. राजेश किशोर यादव,  कान, नाक तथा घाटी विशेषज्ञ डा. रुपक खड्का र आँखा रोग विशेषज्ञ डा. टिना श्रेष्ठ तथा  क्लिनिक वान भक्तपुरका कर्मचारीहरुदुवारा ट्राफिकहरूको रक्तचाप, मधुमेह, आँखा, कान, नाक, घाँटी तथा छातीको परिक्षण गरिएको हो । त्यस्तै उनीहरुको फोक्सोको क्षमताको पनि परिक्षण गरियो । 

यस स्वास्थ्य शिविरमा सहभागी भएका धेरै ट्राफिक प्रहरीहरूमा स्वास प्रश्वासको समस्या  देखिएको छ । त्यस्तै, ट्राफिक प्रहरीहरूमा आँखाको समस्या देखिएको छ । 
“सडकमा बढ्दो सवारी तथा बढ्दो वायु प्रदूषणका कारण ट्राफिक प्रहरीहरुको स्वास्थ्य जोखिममा रहेको छ । हामीले ट्राफिक प्रहरीहरूलाई ड्युटीमा हुँदा मास्क अनिवार्य रुपमा लगाउन सल्लाह दिएका छौँ ।” डा.रुपक खड्काले जानकारी गराए । 
लायन्स क्लब भक्तपुर दरबार स्क्वायर, क्लिनिक वान भक्तपुर, धनञ्जय बचत तथा  ऋण सहकारी संस्था तथा उज्यालो बचत तथा  ऋण सहकारी संस्थाद्वारा संयुक्त रुपमा स्वास्थ्य शिविर संचालन गरिएको हो । आगामी दिनहरुमा पनि यस्तै विभिन्न संस्थाहरुसगँको साझेदारीमा यस्तै कार्यक्रम गर्ने प्रतिवद्धता क्लिनिक वानका प्रबन्ध निर्देशक सन्तोष पौडेलले जानकारी दिए ।