मंगलवार शेयर बजारमा १.७८ प्रतिशतको गिरावट आएको छ । जसका कारण बजार २ हजारभन्दा तलको विन्दुमा झरेको छ ।

यस दिन नेप्से परिसूचक ३६.०८ अंक घटेको नेपाल स्टक एक्सचेञ्ज (नेप्से)ले जनाएको छ । 

यस दिन नेप्से १.७८ प्रतिशतले घट्दा बजार १९९६.२५ विन्दुमा झरेको छ । 

मंगलवार ठूला कम्पनीहरूको शेयर मापक सेन्सेटिभ परिसूचक १.६६ प्रतिशत अर्थात ६.४८ अंकले घट्दै ३८३.५१ विन्दुमा झरेको छ । 

यस दिन कुल २ सय ३२ कम्पनीको ४१ लाख ४७ हजार २५५ कित्ता शेयर १ अर्ब १८ करोड ५५ लाख ४६ हजार रुपैयाँमा किनबेच भएको छ ।

मंगलवार शेयर बजारका १३ वटै उपसमूहहरूको सूचक ऋणात्मक छ । 

नेप्सेका अनुसार मंगलवार १ सय ९० कम्पनीको शेयर मूल्य घटेको छ भने ५ कम्पनीको मात्रै मूल्य बढेको छ । 

यस दिन आँधिखोला लघुवित्त वित्तीय संस्था लिमिटेडको शेयर मूल्य ८.१८ प्रतिशतले बढेको छ । जुन वृद्धि मंगलवार कारोबार भएका कम्पनीहरूमध्येको उच्च हो । 

यस्तै हिमालयन पावर पार्टनर लिमिटेडको शेयर मूल्य ९.९९ प्रतिशतले घटेको छ । जुन मंगलवार कारोबार भएका कम्पनीहरूमध्येकै उच्च गिरावट हो । 

कारोबार रकमका आधारमा यस दिन शिवम सिमेन्टको सर्वाधिक धेरै ४ करोड ६७ लाख १८ हजार रुपैयाँ बराबरको शेयर किनबेच भएको छ ।