इन्धनको मूल्य बढेसँगै हवाई भाडासमेत बढेको छ । 

वायु सेवा सञ्चालक संघले असार ८ गतेबाट लागू हुने गरेर आन्तरिक हवाई सेवाको भाडा बढाएको हो । 

हवाई भाडा १७० रूपैयाँदेखि ८४० रूपैयाँसम्मले बढेको छ । 

सबैभन्दा बढी काठमाडौं–धनगढीको भाडा ८४० रूपैयाँले बढेको छ । सबैभन्दा कम काठमाडौं-सिमरा १७० रूपैयाँले बढेको छ । 

हवाई सेवा प्रदायकले अब काठमाडौं–भद्रपुर १२ हजार ८०५, काठमाडौं–विराटनगर १० हजार ८०, काठमाडौं–जनकपुर ५ हजार ७९५, काठमाडौं– भरतपुर ४ हजार ९३५, काठमाडौं–पोखरा ६ हजार ९०५ रूपैयाँसम्म लिन पाउनेछन् । 

यस्तै काठमाडौं–भैरहवा ८ हजार ५७५, काठमाडौं–नेपालगञ्ज १३ हजार ८१५, काठमाडौं–धनगढी १६ हजार ८०५, काठमाडौं–तुम्लिङटार ८ हजार ११०, काठमाडौं–सिमरा ४ हजार १९५ र काठमाडौं–माउन्टेन भीभी १४ हजार ७२० रूपैयाँसम्म लिन पाइनेछ ।