सरकारले अमेरिकासँगको स्टेट पार्टनरसिप प्रोग्राम (एसपीपी) फिर्ता लिने निर्णय गरेको छ । 

 सोमबार बसेको मन्त्रिपरिषद् बैठकले एसपीपी फिर्ता लिन आवश्यक पत्राचार गर्न प्रक्रिया अघि बढाउन सेनालाई निर्देशन दिने निर्णय गरेको एक मन्त्रीले जानकारी दिए । एसपीपीबारे व्यापक विवाद र बहस भएपछि सरकारले यो निर्णय गरेको हो।  अब विदेशी नियोगलाई पत्र पठाउँदा परराष्ट्र मन्त्रालयको च्यानलबाट पठाइने छ । 
एसपीपी सम्झौताका लागि सेनाले पत्राचार गरेको खुलासा भएको थियो । अमेरिकी दूतावासले यसअघि नेपालले नचाहे फिर्ता लिन पत्राचार गर्न सक्ने बताएको थियो ।