सञ्चारकर्मबाट राजनीतिमा प्रवेश गर्न लागेका रवि लामिछानेले नेपालमा अहिले भएका कुनै पनि राजनीतिक दलमा प्रवेश नगर्ने घोषणा गरेका छन् । 

काठमाडौंको राष्ट्रिय सभा गृहमा आयोजित पार्टी घोषणा कार्यक्रममा लामिछानेले भने, ‘नेपालमा आजसम्म दर्ता रहेका कुनै पनि दलमा प्रवेश गर्ने छैन ।’

कुनै दलमा प्रवेश गरेर आफूविलीन हुन नचाहेको उनले बताए । राजनीतिक दलमा राम्रा मान्छेहरू भएको तर उनीहरूले आवश्यकताअनुसार विद्रोह गर्न नसकेको लामिछानेको भनाइ छ । 

आफ्नो पालो पर्खेर बस्नेको ठूलो समूह राजनीतिक दलमा रहेको उनले बताए ।

आफूले नेपाली जनताले चाहेजस्तो अहिलेको समयले खोजेजस्तो राजनीतिक दल बनाएर राजनीतिमा आउने उनले बताए ।