मतदाता नामावलीमा त्रुटि भयो ? यसरी सच्चाउनुस्

निर्वाचन आयोगले मतदाता नामावलीमा त्रुटि भए सच्याउन आग्रह गरेको छ । 

आयोगले नामावलीमा त्रुटि भए नागरिकता, बसाइँसराई, विवाह दर्ताको प्रमाणपत्रलगायत आवश्यक कागजातका साथमा सम्बन्धित निर्वाचन कार्यालयमा गएर अनुसूची फाराम भर्नुपर्ने जनाएको छ । 

त्यस्तै एकै वडामा एकभन्दा बढी मतदानस्थल रहेको अवस्थामा आफूलाई पायक पर्ने मतदानस्थलमा मतदाता नामावली सार्नु परेमा मतदाता स्वयं सम्बन्धित निर्वाचन कार्यालयमा गई निवेदन दिनुपर्ने आयोगको भनाइ छ । 

आसन्न प्रदेश र संघीय निर्वाचनका लागि अहिले मतदाता नामावली संकलनको काम भइरहेको छ ।