नेपाल बार एशोसिएसनले ठगी मुद्दाका अभियुक्त इच्छाराज तामाङलाई धरौटीमा रिहा गराउन गरिएको घुस डीलको विषयमा छानबिन गरेर संलग्नलाई कानूनी दायरामा ल्याउन माग गरेको छ । 

सार्वजनिक भएको अडियोको सम्बन्धमा आधिकारिकता र सत्यतथ्य व्यहोराको अनुसन्धान तथा छानबिन गरी कसूरदारलाई कानूनी दायरामा ल्याउन बारले विज्ञप्ति जारी गरेर माग गरेको हो । 

'न्यायपालिकाको साख श्रीवृद्धिमा मुख्य भूमिका निर्वाह गर्ने न्यायाधीश, कर्मचारी तथा कानून व्यवसायीहरूबाटै यस्ता किसिमको अवाञ्छित,अमर्यादित र अनुचित कार्यको बार घोर निन्दा गर्दछ,' बारका महासचिव अन्जिता खनालद्वारा जारी विज्ञप्तिमा उल्लेख छ ।