प्रधानमन्त्री देउवाले बोलाए मन्त्रिपरिषद्को आकस्मिक बैठक

प्रधानमन्त्री शेरबहादुर देउवाले मन्त्रिपरिषद्को आकस्मिक बैठक बोलाएका छन् । बैठक दिउँसो ३ बजे बालुवाटारमा बस्नेछ ।

बैठकमा नियमित एजेण्डाबारे छलफल हुने एक मन्त्रीले जानकारी दिए । 

नेकपा (एस)बाट मन्त्री फेरिएका छन् । सरकारमा सहभागी भएका ४ जना नयाँ मन्त्रीको यो पहिलो मन्त्रिपरिषद् बैठक हुनेछ । 

यसअघि इन्धनको मूल्य घटाउने बेला बस्ने भनिएको मन्त्रिपरिषद् बैठक बस्न सकेको थिएन । त्यसपछि अहिले बैठक बस्न लागेको स्रोतले जनाएको छ । 

मन्त्रिपरिषद्को नियमित बैठक हरेक सोमवार र बिहीवार बस्ने गर्छ ।