नेकपा एकीकृत समाजवादीका सम्मानित नेता एवं पूर्व प्रधानमन्त्री झलनाथ खनालले नेपालको संसदीय इतिहासमा दुईतिहाइको सरकार बन्नु दुर्लभ भए पनि त्यो सरकार पनि माछो माछो भ्यागुतो जस्तो भएको टिप्पणी गरेका छन् ।

तत्कालीन नेकपाको पालामा बनेको केपी ओली नेतृत्वको सरकारले जनतालाई निराशाको लहर ल्याएको उनको दाबी छ । 

पूर्व सांसद मञ्चले आयोजना गरेको कार्यक्रमलाई सम्बोधन गर्दै खनालले स्थानीय तह निर्वाचनको नतिजा जनतामा देखिएको निराशाग्रन्थको रूपमा आएको बताए । खनालले संविधानले भनेअनुसार समाजवादमा जानका लागि भविष्यको नेपालको परिकल्पना गरेर अगाडि बढ्नुपर्ने बताए ।

खनालले संविधानमा उल्लेख भएको नेपाली विशेषताको समाजवादबारे बहस गर्न पूर्व सांसद मञ्चलाई सुझाव दिए ।