गृहमन्त्री बालकृष्ण खाँणले सामाजिक सुरक्षा भत्तालाई बैंकिङ प्रणालीमार्फत् नै वितरण गर्नुपर्ने बताएका छन् ।

शुक्रवार प्रतिनिधिसभा अन्तर्गतको राज्य व्यवस्था तथा सुशासन समितिको बैठकमा ‘सामाजिक सुरक्षा ऐन २०७५ लाई संशोधन गर्न बनेको विधेयकमाथिको छलफल’मा बोल्दै उनले सामाजिक सुरक्षा भत्ता बैंकिङ प्रणालीमार्फत् नै वितरण गर्नुपर्ने बताए ।

बैंकिङ प्रणालीमार्फत् वितरण नगर्दा भत्ता दिएबापत राज्यले नभई व्यक्तिले जस लिने गरी दुरुपयोग हुने उनले बताए । मन्त्री खाँणले ७५३ स्थानीय तहमध्ये ७५२ स्थानीय तहमा बैंक पुगेका र बाँकी एउटा स्थानीय तहमा असार मसान्तसम्ममा पुग्ने जानकारी दिए ।