प्रधानमन्त्री शेरबहादुर देउवाले मंगलवार मन्त्रिपरिषदको आह्वान गरेका छन्। उनले मंगलबार दिउँसो ३ बजे सिंहदरबारस्थित प्रधानमन्त्रीको कार्यालयमा मन्त्रिपरिषदको बैठक आह्वान गरेका हुन्।

यसअघि सोमवार मन्त्रिपरिषदको नियमित बस्दै आएको थियो। तर, सरकारमा सहभागी दल जनता समाजवादी पार्टीले सोमवार मन्त्रीहरू हेरफेर गरेकाले मंगलवार बैठक बोलाइएको बताइएको छ। ​

जसपाबाट कृषि तथा पशुपन्छी मन्त्रीमा मृगेन्द्रकुमार सिंह यादव, भौतिक पूर्वाधार तथा यातायात मन्त्रीमा मोहम्मद इश्तियाक राई र वन तथा वातावरण मन्त्रीमा प्रदीप यादव नयाँ मन्त्री बनेका छन् । उनीहरूको सोमवार नै सपथ ग्रहण भएको थियो। सोही कारण सोमवारको बैठक स्थगित भएको र त्यसको सट्टामा मंगलवार बैठक आह्वान गरिएको प्रधानमन्त्री कार्यालय स्राेतले जनाएको छ।