×

X
Nic Asia
Dabur
Prabhu Bank

धनुषा जिल्ला अदालतको फैसलामाथि गम्भीर प्रश्न

EXCLUSIVE : विवादास्पद फैसला– हतियारसहित रंगेहात पक्राउ परेका हत्या आरोपीलाई सफाइ !

काठमाडाैं | असार २३, २०७९

NTC
Argakhanchi Cement
Premier Steels
TVS INSIDE

दिनदहाडै गोली चलाएर मान्छे मारेको घटनामा आजीवन कैद सजाय माग गरिएका हत्या आरोपीलाई धनुषा जिल्ला अदालतले सफाइ दिएको छ ।

yONNEX
LAxmi BAnk
nabil BANK inside

न्यायाधीश डा. परशुराम भट्टराईको इजलासले घटनालगत्तै छिमेकीको घरमा लुकेर बसेको अवस्थामा हतियारसहित पक्राउ परेका हत्या आरोपी पंकज भनिने दामोदर चौधरीलाई सफाइ दिएको हो ।


Advertisment
NMB BANK
RMC TANSEN
NIC ISLAND BOX

उनलाई प्रहरीले २ थान पेस्तोल र २२ राउन्ड गोलीसहित पक्राउ गरेको थियो । २०७६ मंसिर १ गते दर्ता भएको मुद्दामा न्यायाधीश भट्टराईले अभियोगको दाबी नपुग्ने भन्दै सफाइ दिएका हुन् ।

यो मुद्दामा व्यापक आर्थिक चलखेल गरेको आरोप लागेको छ । २०७६ कात्तिक ६ गते जनकपुरधाम उपमहानगरपालिका वडा नम्बर १ का पेट्रोल पम्प सञ्चालक मनोज साहको गोली प्रहार गरी हत्या गरिएको थियो ।


Advertisment
Saurya island

शिव आयल पेट्रोल पम्प सञ्चालन गरिरहेका साह आफूले पाउनुपर्ने पैसा उठाउन जाँदा जनकपुरधाम उपमहानगरपालिका- १४ घर भएका पंकज भनिने दामोदरप्रसाद चौधरीले गोली हानी हत्या गरेको भन्दै जिल्ला अदालतमा मुद्दा दायर भएको थियो ।

मनोज आफ्ना साथी अमित साहलाई लिएर पंकजको घरमा गएका थिए । पैसा माग्दा विवाद उत्पन्न भएपछि हात हालाहालको स्थिति आएको थियो ।

Vianet communication
IME BANK INNEWS

त्यसैक्रममा गोली प्रहार गरी मनोजको हत्या गरेको आरोप पंकजमाथि लागेको थियो

घटनालगत्तै अमित भागेर प्रहरी चौकीमा पुगेका थिए । घटनास्थलबाट मुजेलिया प्रहरीचौकी जम्माजम्मी सय मिटरको दूरीमा छ ।

तत्काल घटनास्थलमा पुगेको प्रहरीले छिमेकीको घरमा लुकिरहेको अवस्थामा हतियारसहित पंकजलाई नियन्त्रणमा लिएको थियो ।

त्यसक्रममा घटनास्थलबाट अटोमेटिक पेस्तोल र ४ राउण्ड गोली तथा पंकजको झोलाबाट १ थान कटुवा पेस्तोल र त्यसको २ राउण्ड गोली तथा अटोमेटिक पेस्तोलको १५ राउण्ड गोली बरामद भएको थियो ।

घटनास्थलमा भेटिएको पेस्तोल

पंकज चौधरी निर्माण व्यवसायी हुन् । ठेक्कापट्टाको काम गरिरहेका पंकजले मृतक साहले सञ्चालन गरेको पेट्रोल पम्पबाट उधारोमा डिजेल तथा पेट्रोल लिने गरेका थिए । त्यही उधारोको रकम ८ लाख रुपैयाँ भएको अवस्थामा पैसाको ताकेता गर्न जाँदा पंकजले उनको हत्या गरेको निष्कर्ष जिल्ला प्रहरी कार्यलय धनुषाका तत्कालीन प्रहरी नायब उपरीक्षक रामेश्वर कार्कीले पत्रकार सम्मेलनका क्रममा सुनाएका थिए ।

जिल्ला सरकारी वकिल कार्यालय धनुषाका जिल्ला न्यायाधिवक्ता धर्म अवतार कोइरालाका अनुसार हत्या गर्ने दामोदरप्रसाद चौधरीलाई प्रहरीले वारदातस्थलबाट पेस्तोल र गोलीसहित पक्राउ गरेको थियो ।

अनुसन्धानका क्रममा चौधरीले आफूले हत्या गरेको स्वीकारेको सरकारी वकिल कोइराला बताउँछन् ।

'आफूले पाउनुपर्ने रकम माग्न चौधरीको घरमै पुग्दा विवाद उत्पन्न भएको थियो । सोही क्रममा चौधरीले पेस्तोल झिकेर साहलाई गोली प्रहार गर्दा मृत्यु भएको कुरा चौधरीले अनुसन्धानका क्रममा स्वीकार गरेका थिए,' सरकारी वकिल कोइरालाले लोकान्तरसँग भने ।

घटनामा संलग्न भएको आरोप चौधरीका ड्राइभर ललित उराउमाथि पनि लागेको छ । धनुषाधाम नगरपालिका वडा नम्बर ५ घर भएका उराउले धनुषाकै मिथिलाबिहारी गाउँपालिका वडा नम्बर ३ का गौरी मण्डलबाट पेस्तोल खरिद गरेको खुलेको थियो ।

धनुषा जिल्ला अदालतमा मुद्दा अभियोजन गर्ने दिनसम्म उराउ र मण्डल दुवै प्रतिवादी फरार थिए ।

पेस्तोल र गोलीसहित पक्राउ परेका तथा प्रहरी अनुसन्धानका क्रममा हत्या अभियोग स्वीकारेका चौधरीलाई जीवित रहुञ्जेलसम्म कैद सजाय माग गर्दै जिल्ला अदालत धनुषामा मुद्दा अभियोजन गरिएको थियो ।

सरकारी वकिल कोइरालाका अनुसार चौधरीको हकमा जीवित रहेसम्म कैद, ललित उराउको हकमा जन्मकैद र मास्टर भनिने गौरी मण्डलको हकमा हातहतियार तथा खरखजानामा ७ वर्ष कैद तथा ७० हजार रुपैयाँ जरिवानाको मागसहित मुद्दा दायर गरिएको थियो ।

चौधरीलाई जिल्ला अदालत धनुषाले २०७६ मंसिर ४ गते पुर्पक्षका लागि महोत्तरीको जलेश्वर कारागार चलान गरेको थियो ।

फरार प्रतिवादी मास्टर भनिने गौरी मण्डल २०७७ असोज २५ गते धनुषा जिल्ला अदालतमा हाजिर भएका थिए । जिल्ला अदालतले मण्डललाई पनि पुर्पक्षका लागि कारागार पठाउने आदेश गरेको थियो ।

उक्त आदेशविरुद्ध पुनरावेदन गरेका मण्डललाई उच्च अदालत जनकपुरले २०७७ माघ ८ गते २० हजार धरौटीमा रिहा गरेको थियो । अर्का प्रतिवादी ललित उराउ भने हालसम्म फरार छन् ।

धनुषा जिल्ला अदालतका सूचना अधिकारी गंगाकुमार मिश्रले उक्त मुद्दामा अभियोग दाबीअनुसार प्रमाण नपुगेका कारण सफाइ दिइएको बताए ।

'अहिले फैसलाको पूर्णपाठ आएको छैन । राय किताबमा लेखिएको कुरा पनि खुलाउन मिल्दैन,' मिश्रले लोकान्तरसँग भने ।

स्रोतका अनुसार सफाइ दिने क्रममा अचम्मको ठहर गरिएको छ । 'मनोज साह (मृतक) ले प्रतिवादी (पंकज चौधरी)माथि गोली चलाउने क्रममा सेल्फ डिफेन्सका लागि हात मर्काउँदा आफैँलाई गोली लागि मृत्यु भएको ठहर फैसलामा गरिएको छ,' जिल्ला अदालत स्रोतले लोकान्तरसँग भन्यो ।

यस विषयमा प्रतिक्रिया माग्दा न्यायाधीश भट्टराईले प्रमाणको अभाव, अदालतमा प्रतिवादीको इन्कारी बयान आदि कारणले सफाइ दिएको जिकिर गरे ।

अदालतमा प्रतिवादीले इन्कारी बयान दिएको, प्रत्यक्षदर्शीका रूपमा पेश गरिएका व्यक्तिका साथै कागज गर्ने अन्य व्यक्तिले पनि अदालतमा बयान फेरेको लगायतका आधारमा सफाइ दिइएको न्यायाधीश भट्टराईले जिकिर गरे ।

जाहेरवाला (मृतकका बुवा) जिबछ साहको मृत्यु भइसकेकाले उनको बयान परीक्षण हुन नसकेको र प्रतिवादीले आफूले गोली नचलाएको बयान दिएको उनले बताए ।

'जाहेरवाला एवं मृतकको बुवा जिबछ साहको मृत्यु भइसकेको छ, उहाँ आउने कुरै भएन । मृतक आफ्नो पैसा लिनका लागि प्रतिवादी भनिएका चौधरीको घरमा जाँदा बन्दुक लिएर गएको बयान अदालतमा दिइएको छ,' न्यायाधीश भट्टराईले भने, 'आफूमाथि गोली प्रहार गर्नेक्रममा सेल्फ डिफेन्सका लागि साहको हात धकेल्दा उसैको हातबाट चलेको गोली लागेर मृत्यु भएको बयान प्रतिवादी चौधरीले दिएका छन् ।'

उनले प्रहरीले प्रमाणका रूपमा पेश गरेको र कागजमा उल्लेख गरेको पेस्तोल समेत मेल नखाएको जिकिर गरे ।

न्यायाधीश भट्टराईले थपे, 'फौजदारी मुद्दामा सरकारी वकिलभन्दा कागजहरू टेस्ट हुनुपर्छ । प्रमाण ऐन २०३१ को दफा १८ र ३२ ले भन्छ-फौजदारी मुद्दामा अभियोग पत्र अथवा अनुसन्धानमा उल्लेख गरिएका विषयको कागज गर्ने मानिसहरूले फेरि अदालतमा पनि आएर सोही किसिमको बयान गर्‍यो भने (मात्र)आरोप प्रमाणित हुन्छ ।'यस मुद्दामा अभियोग पत्र र अदालतमा दिएको बयान फरक परेको जिकिर उनको छ ।

मृतककी दिदीलाई सान्त्वना दिँदै जनकपुरका तत्कालीन मेयर लालकिशोर साह

५० लाख रुपैयाँ घुस लिएको आरोप !

प्रतिवादीबाट ५० लाख रुपैयाँ घुस लिएर सफाइ दिएको आरोप न्यायाधीश भट्टराईमाथि लागेको छ । त्यस विषयमा प्रतिक्रिया माग्दा उनले आरोपको खण्डन गरे ।

आफूले पैसा नलिएको र आफ्नो नाम लिएर कुनै वकिलले पैसा उठाएको भए थाहा नभएको उनको जिकिर छ ।

यस्तो छ उनको जिकिर–

म कस्तो न्यायाधीश हो भनेर म आफैंले सफाइ दिनै पर्दैन । म त्यही न्यायाधीश हुँ,जसले रेशम चौधरीको फैसला गरेको हो । कुमारी आमा भनिने निहारिका सिंहको फैसला पनि मैले नै गरेको हो । अहिलेसम्म मलाई त्यस्तो लाञ्छना लागेको छैन ।

मेरो सिंगो परिवार नै जागिरमा छ । घरमा पनि अलि हुने खाने मान्छे नै हुँ । अर्को कुरा,पहिलेदेखि मेरै इजलासको मुद्दा थियो भने अलि शंका गर्न पनि सकिन्थ्यो,तर एक्कासि फैसला हुने दिन गोला लागेर मेरो इजलासमा आएको हो । यसअघि उक्त मुद्दा २ नम्बर इजलासमा थियो ।

सुनुवाइका क्रममा वकिलसा'बहरू सबै आउनुभयो । मुद्दा हटाउनु पनि भएन । सरकारी वकिलले पनि आएर बहस गर्नुभयो । मैले निर्धक्क भएर यो मुद्दामा सफाइ दिन मिल्छ भनेर नै सफाइ दिएको हुँ ।

घुस लिएको प्रमाण भए त मलाई जाँच गरे भइगयो नि ! बाहिर वकिलले मेरो नाममा पैसा खाएको हो भने मलाई त्यस विषयमा थाहा छैन ।

पढ्नुहोस्, सम्बन्धित समाचार :

hAMROPATRO BELOW NEWS
Maruti inside
NLIC
TATA Below
माघ १५, २०७९

केही साताअघि विदेशी प्रतिनिधिसहित ६ जना शिक्षा, विज्ञान तथा प्रविधि मन्त्रालयको लिफ्टमा झन्डै डेढ घण्टा जति अड्किए । शिक्षा मन्त्रालयको एक कार्यक्रममा सहभागी भएर तल ओर्लिनका लागि उनीहरूले प्रयोग गरेको लिफ्ट बीचमा...

माघ १८, २०७९

पोखरा महानगरपालिका- १६, बाटुलचौरका ४५ वर्षीय रामप्रसाद आचार्य पेटसम्बन्धी समस्या भएपछि उपचारका लागि २०७८ असारमा फिस्टेल हस्पिटल एन्ड रिसर्च सेन्टर प्रा.लि., गैरापाटन पोखरामा भर्ना भए । चिकित्सकहरू डा. प्रदीप घ...

माघ १७, २०७९

हुम्लाको अदानचुली गाउँपालिकामा जनप्रतिनिधि र कर्मचारीबाट सरकारी लेटरप्याड र छापको दुरुपयोग बढेको छ ।  अध्यक्ष मोहनविक्रम सिंह र उपाध्यक्ष कर्ण रोकायाबीच आपसी टकराव बढ्दा जनप्रतिनिधि र कर्मचारीले मनलाग्दी...

पुस २५, २०७९

पछिल्लो ४ दिनभित्र देशभरमा ६ सय १२ अवैधानिक क्रसर उद्योग बन्द गराइएका छन्  । गृह मन्त्रालयले पुस २० गते देशभरका सबै जिल्ला प्रशासन कार्यालयलाई अवैधानिक क्रसर उद्योग बन्द गर्ने सम्बन्धमा निर्देशनात्मक परिपत्र गरेप...

पुस ७, २०७९

सिंहदरबार वैद्यखाना विकास समितिमा पुस्तक छपाई, भवन निर्माण तथा मर्मतसहितका कार्यहरूमा अनियमितता भएको पाइएको छ । स्वीकृत वार्षिक कार्यक्रमलाई असार महिनामा संशोधन गरी आफूखुशी रकम खर्चिएको पाइएको हो।  ...

माघ १३, २०७९

ठेकेदार र आयोजनाका कर्मचारीको निहीत स्वार्थका कारण राष्ट्रिय गौरवका ठूला आयोजनाको ठेक्का प्रक्रियामा कतिसम्म बदमासी हुन्छ भनी उदाहरणका रूपमा लिन सकिने एक घटना पर्दाफास भएको छ । वर्षौंदेखि चर्चामा रहेको ...

प्रिय रवि, तिमी सपनाको हत्या गर्दैछौ !

प्रिय रवि, तिमी सपनाको हत्या गर्दैछौ !

माघ २०, २०७९

मलाई त्यो एउटा पुरानो कुरा याद छ– प्रेम बानियाँ, तिमी (रवि लामिछाने), म र केही साथीहरू काठमाडौंको बाँसबारीस्थित थकाली भान्साघरको एउटा कोठामा बसेर ‘सिधा कुरा प्रधानमन्त्री सँग’को प्रोमोमा ...

प्रचण्डकै नेतृत्वमा फर्काउन सम्भव छ माओवादीको पुरानो साख !

प्रचण्डकै नेतृत्वमा फर्काउन सम्भव छ माओवादीको पुरानो साख !

माघ १९, २०७९

– सत्तालाई आर्यघाटसम्मको सहयात्री बनाउने । – शक्तिलाई ईश्वरीय अनुकम्पा सम्झने । – सम्पत्तिलाई सामन्ती विरासतको जगमा ढाल्नुपर्ने । – पार्टी मुख्यालयलाई शान्त मसानघाट जस्तो राख्ने । निवास...

डा. केआई सिंहको बर्खास्तगी, प्रचण्डको ‘नायकत्व’ र प्रेमप्रसादहरूको आत्मदाह !

डा. केआई सिंहको बर्खास्तगी, प्रचण्डको ‘नायकत्व’ र प्रेमप्रसादहरूको आत्मदाह !

माघ १५, २०७९

डा. इन्द्रजित सिंह कुँवर अर्थात डा. के.आई. सिंहले २०१४ साउन ११ गते प्रधानमन्त्री पदको शपथ लिए । आफूले एक रुपैयाँ पनि तलमाथि नगर्ने र अरूलाई पनि गर्न नदिने प्रतिबद्धतासहित प्रधानमन्त्री भएका उनले गोप्यरूपमा भ्रष्टा...

ad
x