एमाले नेताहरू चढेको कार दुर्घटना , हेलिकोप्टरमार्फत काठमाडौं ल्याउने तयारी

नेकपा (एमाले)का नेताहरू चढेको कार दुर्घटनामा परेको छ । पूर्वपर्यटन तथा नागरिक उड्डयन मन्त्री कृपासुर शेर्पासहित एमाले नेताहरू चढेको कार शुक्रवार दिउँसो सिन्धुलीको भिमानमा दुर्घटनामा परेको हो ।
दुर्घटनामा शेर्पासहित एमाले पोलिटब्युरो सदस्य गोकुल घर्ती, पेम्बा गुरुङ, देवराज राईलगायत नेताहरू घाइते भएका छन् ।

उनीहरूको प्राथमिक उपचारपछि हेलिकोप्टरमार्फत काठमाडौं ल्याउने तयारी भइरहेको बताइएको छ । घाइतेहरूको अवस्था खतरामुक्त रहेको एमालेनिकट प्रेस चौतारीका पूर्वमहासचिव राजेश राईले जानकारी दिएका छन् । 

उनीहरू एमालेनिकट लोकतान्त्रिक आदिवासी जनजाति महासंघ प्रदेश नम्बर एकको विस्तारित बैठकमा जाँदै थिए । एमाले नेताहरू चढेको कारण तीव्र गतिका कारण अनियन्त्रित भई दुर्घटनामा परेको बताइएको छ ।