नेपाल एपीएफ स्कुल कीर्तिपुर परिसरमा वृक्षरोपण

नेपाल एपीएफ स्कुल कीर्तिपुर परिसरमा वृक्षरोपण गरिएको छ । नेपाल पूर्व सशस्त्र प्रहरी संघको आयोजनामा स्कुल परिसरमा शनिवार वृक्षरोपण गरिएको हो । 

सशस्त्र प्रहरी महानिरीक्षक राजु अर्याललगायतको उपस्थितिमा धुपी, अम्बा, सिरिस, कपुर र असारे फूल गरी ५३ वटा विरुवा रोपिएको थियो । 

त्यसअवसरमा प्रहरी महानिरीक्षक अर्यालले वातावरण संरक्षण तथा सम्वद्र्धन कार्यमा संघले देखाएको अग्रसरताप्रति आभार प्रकट गरेका थिए ।

कार्यक्रममा कीर्तिपुर नगरपालिकाका मेयर राजकुमार नकर्मीले वृक्षरोपण कार्यक्रमले वातावरण स्वच्छ राख्न मद्दत पुग्ने बताउँदै आगामी दिनमा पनि सामाजिक र वातावरणमैत्री कार्यक्रमका लागि नगरपालिकाको सहयोग रहिरहने उल्लेख गरे । 

वृक्षरोपण कार्यक्रममा अवकाश प्राप्त सशस्त्र प्रहरी महानिरीक्षकद्वय किशोरकुमार लामा र सिंहबहादुर श्रेष्ठ, सशस्त्र प्रहरी बल, नेपालका वरिष्ठ अधिकृतहरू, नेपाल पूर्व सशस्त्र प्रहरी संघका पदाधिकारी, सशस्त्र प्रहरी परिवार महिला संघका पदाधिकारीहरू साथै उक्त स्कूलका शिक्षक र विद्यार्थीहरूको सहभागिता रहेको थियो ।